نوئیڈا:13 /اپریل(ایس اونیوز /آئی این ایس انڈیا) گوتم بدھ نگر لوک سبھا حلقہ سے انتخابی میدان میں اترے 13 امیدواروں نے انتخابات میں کل 1 کروڑ 24 لاکھ 61 ہزار 139 روپے خرچ کئے۔اس میں سب سے زیادہ دولت بھارتیہ جنتا پارٹی کے امیدوار ڈاکٹر مہیش شرما نے خرچ کیا۔وہیں سب سے کم خرچ ’آپ اپنی پارٹی‘ کے امیدوار ديارام نے کیا۔ڈاکٹر مہیش شرما نے 42 لاکھ 68 ہزار 888 روپئے خرچ کئے۔وہیں ديارام نے 31000 روپئے خرچ کئے،تمام امیدواروں نے 1 اپریل، 5 اپریل اور 9 اپریل کو الیکشن کمیشن کے اخراجات سپروائزر کے سامنے خرچ کی تفصیلات پیش کیا۔جس مہیش شرما نے 4268888 روپے، کانگریس کے امیدوار ڈاکٹر اروند سنگھ نے 3568831 روپے، بہوجن سماج پارٹی۔ ایس پی اتحاد امیدوار ستبیر ناگر نے 2473275 روپے، پروگریسو سوشلسٹ پارٹی (لوہیا) کے امیدوار چودھری جتیندر سنگھ نے 1375150 روپے، آزاد امیدوار اشوک ادھانا نے 233197 روپے، آل انڈیا راجیو کانگریس کے امیدوار ونود شرما نے 169895 روپے، سیکولر جن شکتی پارٹی کے امیدوار جگدیپ سنگھ نے 104486 روپے، راشٹریہ بھارتی جن پارٹی کے امیدوار ونود کمار ناگر نے 80900، سبھاشوادي بھارتی سماج وادی پارٹی کے امیدوار راگھویندر کمار نے 54811، نیشنل سوسائٹی پارٹی کے پرتیاش رامپال نے 35135، آپ اپنی پارٹی کے دیارام نے 31000، آزاد امیدوار رادوس گپتا نے 35135 اور راشٹریہ جنتا پارٹی کے امیدوار شیر سنگھ اپادھیائے نے 33000 روپے خرچ کئے،تمام امیدواروں نے کل 12461139 رو پے خرچ کئے۔